A Protectora de Animais do Morrazo celebra mañá domingo a primeira poxa benéfica a favor da agrupación. Será en A Capela do Hospital, en Cangas, ás 16.30 horas e alí poderase licitar por todo tipo de obxectos doados para a ocasión, como material de balonmán, reloxos, cadros en pizarra, ou un CD de Tanxugueiras. Precisamente onte abriuse un mercado solidario diante da Capela a favor da Protectora con todo tipo de obxectos á venda. No interior da Capela tamén se pode ver unha exposición que está aberta a partir do venres e permanecerá aberta ata o domingo. A Protectora xestiona o refuxio de animais de Borullón, en Moaña, e todas as axudas son poucas.
Comentários