Este mércores 5 de xaneiro entra en vigor a nova normativa pola que os animais deixan de ser considerados "inmobles ou cousas" para recoñecer a súa natureza como "seres sensibles" ou seres vivos dotados de sensibilidade.
A nova Lei 17/2021, do 15 de decembro, entra en vigor este mércores, vinte días despois da súa publicación no Boletín Oficial del Estado, e modifica o Código Civil para adaptalo á verdadeira natureza dos animais e ás relacións de convivencia que se establecen entre eles e seres humanos.
Ademais, a normativa tamén modifica a Lei Hipotecaria e a Lei de Axuizamento Civil de réxime xurídico dos animais para que deixen de ser obxecto de tratamento e para evitar o embargo ou prórroga de hipotecas sobre animais de compañía.
A nova lei foi aprobada definitivamente o 2 de decembro de 2021 polo pleno do Congreso dos Deputados a partir dunha proposición de Lei do PSOE e Unidos Podemos, que foi obxecto de varias modificacións no Senado e que finalmente saíu adiante o apoio de todas as formacións agás VOX, que votou en contra, e o PP, que se abstivo.
Coa súa entrada en vigor, a nova norma dará resposta a situacións como os divorcios e separacións de parellas que, tras a súa ruptura, queren seguir compartindo a súa vida coa súa mascota dun xeito que, a partir de agora, garantirá a protección do animal contra o sufrimento de afastalo do seu fogar e da súa vida compartida ata ese momento, se non hai acordo entre a parella.
Nese caso, a lei establece os criterios sobre os que os tribunais deben decidir a quen entregar o coidado do animal, tendo en conta o seu benestar.
Así mesmo, evitaranse situacións nas que, en caso de accidente de tráfico, os animais teñan a mesma consideración que unha maleta e non exista a obriga de atendelos, así como que poidan ser incautados como calquera obxecto material.
Comments